| 絕對空虛 6月份第1編xanga.....真係一言難盡 唔係因為無事發生係我身上 又唔係因為我懶所以唔打 而係覺得...我唔需要對住部電腦黎發洩 發放d負感量,打一段不滿既說話同埋事情 我承認依兩個禮拜每日起身 會有一種好消極好空虛難受既心情 直到第18天的11點後,發覺有少少轉變 我開始接受現實...就算係殘酷 無期限的放逐,沒有了舊有的一切事物
畢竟都廿歲,仲要做左咁多年工作 思想同維持係一個初出社會的小伙子 簡單講係天真,受唔起刺激想安安穩穩 而且我份人成日都收收埋埋 知己唔多見,人緣又唔廣 又無乜獨特之處同強項(...開始自卑起黎) 所以依半個月我一直都好困擾同感到壓力 有陣時我好想多謝佢當日選中我 雖然依家係成日話我豬頭又蠢 但我承認...而你都接受到我.."維" (我知道佢唔會睇我xanga先敢打) 相信明天會更好! <--好娘丫依句-﹏- 也不是3分鐘熱度突然樂觀起黎卦 |
| |
| 張敬軒x 方大同 騷靈之夜 由我買到張飛等咗1個月終於到今晚 今日有d突破...著返好耐無著嘅高跟鞋 仲要係3吋!!但對鞋真係好型>﹏< 同維維借咗部相機今晚應戰 再趕去九龍灣同家姐會合 我誤會咗「香港會議展覽中心」係九展 好彩家姐醒目睇清個地址趕返去灣仔 食完晚餐仲有時間去金紫荊廣場 入到會場有人不斷話位置唔好=____=偏舞台左面 正式開Show!!! 有部大電視近鏡見到軒仔同大同~正!! 我記憶中軒仔唱過自己嘅歌有 笑忘書,故園花茶,酷愛,相對論, My Way,留低鎖匙,彼星戴月.... 唔熟大同d歌~聽過愛愛愛同Love Song都有唱 驚喜係唱盧廣仲果首"對啊對啊對啊對啊對啊" 中場有廁所位但佢地跑咗落台 到場仲有王宛之,張繼聰,Kay同細So... 完場時好攰丫~著高跟鞋好有用企高影靚相 難得化妝同戴咗有色con....明天要加油啊!! |
| |
| Angels & Demons 連續兩日假期!昨日待在家中 今日約咗Rina去太古城睇Angels & Demons 嘩一見到佢=____=好多漫畫書!! 好可惜睇唔到期待嘅預告片 出MK信和~我買con而Rina又買咗大量書 朗豪坊嘅toilet永遠 is the best!! 金毛嘅我啱戴紅框眼鏡 黑框果副係哈利波特大圓眼 都是無戴眼鏡嘅我係正常D
夜晚收到個通知~但願唔係真架啦!! 凡事要向好方面諗!咁先有得著 何況我實會帶Jimmy走!哈哈... |
| |
| Mamma Mia, here I go again 每天都在計算自己用咗幾多錢 同埋係咁數手指睇吓仲有幾多日 今日Carmen拎張支票出黎果陣 我對眼係發光架!!@﹏@ 多咗幾百蚊捱下星期嘅3日假 晚上在笑聲渡過...笑到要飲水冷靜 女:「Happy,你好似S.H.E其中一個人??」 我:「哈哈哈哈哈哈....」 Happy:「Winnie你千其唔好講!!」 正常人是不會突然去吹脹個手套 仲要整到成隻八爪魚咁款... PPG金魚嘴---Happy姐!!同個"公仔"幾襯 |
| |
| Theresa Yau?! 唔好俾個標題嚇親!!! 我無去割雙眼皮戴大眼仔,都無去纖形22 唱k果陣係都有陣時走吓音... 但只不過係染咗個較以前金嘅頭ja 我原先揀嘅色係無咁淺架>___<有Rina做証 係因為我焗得太耐同d髮質太幼 先至搞到個頭淺色咁多(以上理由都係靠估) 下個月出糧要電返個頭喇 又唔直又唔曲=﹏=髮形師哥哥索性吹直 個鼻粒瘡真係好顯眼丫>﹏<"" 今個月又無哂錢喇.... |
| |
